الدكاترة مع بعض ، مالى أنا بالزمة ؟
:)
بصوا يا دكاترة ، أنا سمعت فى مرة لمصطفى محمود فى برنامجه العلم والايمان الحلقة اللى بتتكلم عن اليابان معجزة القرن العشرين .
أنه فى اليابان لما بيعملوا مظاهرات ولا يكسروا ولا يحرقوا ده الشعب
وفى المقابل الشرطة والأمن مبيعملوش حاجة غلط للشعب .
يعنى فى اليابان الحالة أفضل من هنا بمراحل .
كلا من الشعب والشرطة فى مصر بلطجية .
وده اللى هيخليينى أحجم عن الذهاب بكرة .
لكن أنا مع المظاهرات قلبا وقالبا طالما هنؤديها بطريقة سلمية تجيب لينا حقوقنا .
واللى هيحصل بكرة مفيهوش سلم ولا فيه أخد حق .
طيب أتعب نفسى ليه ؟
يا دكتور واحد من الناس ( اعذرنى على عدم معرفة الاسم الحقيقى ) : -
أنا كنت عاوز أرد على آخر مقال كتبته حضرتك بس بصراحة معرفتش أقول أيه ، أنا مش عارف الكنيسة خايفة من الأخوان ليه ؟ ومش عارف الأخوان والسلفيين هيعملوا اللى قالت عليه الكنيسة ولا لأ .
أنا أظن أن حضرتك من الأخوان ، وفيها أيه ؟
أنا مش عاوز أتجمل زى ما كتبت فى بوست قبل كده ، لكن عاوز أقول أن الأخوان مش بعبع وأنا مش بخاف منهم ، لسبب واحد وحيد : أنا أعز أصحابى من الأخوان وكنت ببيت عنده بمعدل ليلتين فى الاسبوع نذاكر سوا أو هو كان بيبيت عندى ، ومش عارف كنت أخاف من أيه مثلا ؟ هههههه الحياة كانت عادية خالص ، بس المشكلة دلوقتى أنه فى كلية غير كليتى ، بس لسة على علاقة محبة أخوية مع بعض .
أتمنى أنه ميحصلش حاجة وحشة بكرة خاصة فى الموضوع الطائفى البغيض ده .
نتايج بكرة لا يمكن اهمالها بأى شكل من الأشكال ، ويا رب يعدي على خير ، مش عارف ليه مش متفائل ؟
ده مش هزار ، يا رب أستر .........
عذرا للاطالة .
:)
بصوا يا دكاترة ، أنا سمعت فى مرة لمصطفى محمود فى برنامجه العلم والايمان الحلقة اللى بتتكلم عن اليابان معجزة القرن العشرين .
أنه فى اليابان لما بيعملوا مظاهرات ولا يكسروا ولا يحرقوا ده الشعب
وفى المقابل الشرطة والأمن مبيعملوش حاجة غلط للشعب .
يعنى فى اليابان الحالة أفضل من هنا بمراحل .
كلا من الشعب والشرطة فى مصر بلطجية .
وده اللى هيخليينى أحجم عن الذهاب بكرة .
لكن أنا مع المظاهرات قلبا وقالبا طالما هنؤديها بطريقة سلمية تجيب لينا حقوقنا .
واللى هيحصل بكرة مفيهوش سلم ولا فيه أخد حق .
طيب أتعب نفسى ليه ؟
يا دكتور واحد من الناس ( اعذرنى على عدم معرفة الاسم الحقيقى ) : -
أنا كنت عاوز أرد على آخر مقال كتبته حضرتك بس بصراحة معرفتش أقول أيه ، أنا مش عارف الكنيسة خايفة من الأخوان ليه ؟ ومش عارف الأخوان والسلفيين هيعملوا اللى قالت عليه الكنيسة ولا لأ .
أنا أظن أن حضرتك من الأخوان ، وفيها أيه ؟
أنا مش عاوز أتجمل زى ما كتبت فى بوست قبل كده ، لكن عاوز أقول أن الأخوان مش بعبع وأنا مش بخاف منهم ، لسبب واحد وحيد : أنا أعز أصحابى من الأخوان وكنت ببيت عنده بمعدل ليلتين فى الاسبوع نذاكر سوا أو هو كان بيبيت عندى ، ومش عارف كنت أخاف من أيه مثلا ؟ هههههه الحياة كانت عادية خالص ، بس المشكلة دلوقتى أنه فى كلية غير كليتى ، بس لسة على علاقة محبة أخوية مع بعض .
أتمنى أنه ميحصلش حاجة وحشة بكرة خاصة فى الموضوع الطائفى البغيض ده .
نتايج بكرة لا يمكن اهمالها بأى شكل من الأشكال ، ويا رب يعدي على خير ، مش عارف ليه مش متفائل ؟
ده مش هزار ، يا رب أستر .........
عذرا للاطالة .
==========
ده كان تعليق ليا هنا
مع تحياتى : محب روفائيل
يا رب أستر يا رب
أنا مش عاوز البلد تبقى خرابة
مبارك شعبى مصر ( سفر أشعياء )
يا جماعة أنا هنا ان شاء الله بكرة ، هدور على الاخبار وأجيبها أول بأول فتابعونى ( للمهتمين بمصر بكرة طبعا فقط )
ردحذفمش عارف ليه خايف برضه ؟
نا مش نازل بكرة ، مش خوف ولا ضعف مع أن دول مشاعر وحاجات مشروعة ، لأ ، أقرا البوست وانت تعرف ، وربنا يستر .
ردحذف، وعلى فكرة برضه ، مش علشان الكنيسة قالت متنزلوش . أنا اللى بشوفه صح بعمله ، حتى لو كان معارضه البابا ذات نفسه ، مع احترامى الشديد ليه طبعا .
ده الكلام اللى كتبته عند مشاركة ( شير ) البوست
فى الفيس بوك ، لحسن حد يفهم غلط ولا حاجة .
هروح أنام كام ساعة ، فى رعاية الله وأمنه .
ماشي يا محب وانا بردك محبتش ارد عليك هناك علشان ده مش مكانا وانا معرفش صاحب المدونة ممكن يقبل اني ارد عليك في المدونة
ردحذفاسمي اسلام
دي مش مظاهرة لا السلفيين ولا الاخوان والكنيسة عارفة كده اد ما الحكومة عارفة لكن القائمين على الكنيسة من الذكاء انهم عارفين ان في حالة نجاح الشعب في انه يحكم نفسه الاخوان حيوصلوا نظرا لارتباطاتهم مع الشارع نفسه وفي الحالة دي الكلام حيبقى على تطبيق شريعة وهي دي مربط الفرس لان في الوقت ده الكنيسة مش حتبقى عارفة اللي حيطبقوا الاسلام حيطبقوه ازاي , يا ترى زي مبيقولوا في التلفزيون دينا حلو وجميل وبيهدي الناس ورود في الشارع ولا الاقباط حيتم التضييق عليهم وحرمانهم من حاجات كتير اكتسبوها مع الوقت فالكنيسة مش عايزة تبقى تحت رحمة الغيب و الوضع الحالي افضل بالنسبة ليها على ما فيه من مساوىء
اتمنى تكون دي وصلت , واتمنى كمان مكنش جرحتك بطريقة الكلام
اما بالنسبة لظنك فانا مش من الاخوان (مع احترامي الشديد لفكرهم واعتبارهم من الكيانات اللي بتحب البلد دي وفي النهاية هما بشر فيهم الكويس وفيهم الوصولي المتسلق )
متخافش بكره ان شاء الله مش حيبقى فيه اي حاجة طائفية والناس اللي نازلة مش بيكرهوا مصر علشان يكسروها , اللي نازلين بيحبوا مصر اكتر من نفسهم علشان كده نفسهم تلبس هدوم تليق بيها وصدقني حتى لو انا مختلف معاهم لكننا متفقين ان بلدنا تستحق اكتر من كده بكتير
انا متدين بدون انتماءات فرعية علشان مبحبش اضيق شىء ربنا وسعه
على فكرة الدكتور اللى هناك اسمه اسلام برضه :)
ردحذفيا محاسن الصدف :)
طيب أنا فهمت السبب ، بس عاوز أقول حاجة : فيه حاجات بيقولوها الاسلاميين وهما لسة مبقيوش حكام متمشيش مع اللى عايزاه الكنيسة ، يعنى مثلا وأبسط حاجة انك كل ما تشوف مسيحى تقتله ، هناك متطرفون يقولون هذا :)
الاسلام ملىء بالآيات والأحاديث اللى بتدل على السماحة والروح العالية ، لكنه فى نفس الوقت ملىء بناس دماغها تعبانة ومتطرفة ، وده بسبب البطالة وعدم جودة التعليم وحاجات كتير .
كلام حضرتك كان بطريقة متجرحش ، لانه الحقيقة ، وأنا اتعودت من زمان أن الحقيقة متجرحنيش .
المشكلة أنى مكنتش عارف الحقيقة ، مع أنى قريتها قبل كده ، بس الصورة موضحتش الا فى الآخر خالص ، قصدى دلوقتى .
بخصوص التدين بدون أى انتماءات فرعية فده أحسن حاجة ، وده أنا بحبه فى ديننا لانه بيخلينى أدخل أى كنيسة عاجبانى مثلا ، وأقرا أى كتاب مسيحى عاجبنى أو أدخل على أى موقع مسيحى على النت شرط الافادة .
أنا حاسس أنه مفيش مظاهرات بدأت خاصة وأنى مش فى أسيوط نفسها ولا حتى فى مدينة مركز من مراكزها . علشان كده بعيد عن الاحداث وبستقيها كلها من النت .
ربنا يستر .
فى سلام الله .
دي حريه شخصيه يا محب
ردحذفكل واحد حر فيما سيفعله
وحرا في آراءه
وتحياتي
كارولين فاروق
ردحذفأيوة طبعا يا كارولين ، عداكى العيب
دى حرية شخصية ( حتة النزول أو عدم النزول )
لكن تكسير وحرق وضرب ده مفيهوش شىء من الحرية الشخصية .
تحياتى لحضرتك .