عن خطية حب الميكروفون أتحدث

في مرة كلمت شاعر مشهور في رسايل تويتر بيقول شعر مسيحي وترانيم وكدة وفي كل بوست بيكتب اسمه في هاشتاج زي كدة #فلان_الفلاني

وقلت له انه افضل له انه يعمل هاشتاج ليه علاقة بموضوع القصيدة او الترنيمة.. وهو طبعا خدني ع كد عقلي وكلمني بدبلوماسية لطيفة وطبعا ماخدش بنصيحتي.

وده واحد من ناس كتير جدا بتعمل نفس الحركة للتسويق لنفسهم (ده الغلط) ولكتاباتهم او عظاتهم وترانيمهم (وده مقبول) لكن بمرور الوقت بيهتموا بالمشاهدات والتفاعلات فقط ع اساس انها المقياس الوحيد للنجاح في خدمتهم وده بيكون في حالات كتير مؤشر سلبي لحالة الخادم للأسف.

انا كنت كدة زمان حتى هتلاقوا حاجات شبه كدة في المدونة دي (سواء حاجات دينية او غيرها) لغاية ما عرفت ان ده غلط.

حب الظهور ده مشكلة والمشكلة الاكبر ان الخادم يعمل لنفسه بروباجندا اعلامية خاصة لما يكون ده مصدر دخله الوحيد او الاساسي للأسف.

ف يوم من الايام لما كنت ارثوذكسي وكنت بتكلم مع الفاضل القس تكلا رزق (كاهن كنيسة القرية اللي اتولدت فيها) قلت له انا مش هصلي شماس تاني. قاللي ليه بس قلت له الموضوع بيتعب ضميري لما بهتم بالمردات وتنغيم صوتي فيها اكتر من عبادة ربنا نفسها.. اقتنع ووافق.

واشكر ربنا ده كان افضل قرار في حياتي وانقذني من اشياء كتير (زي حب الذات والكبرياء) كانت ممكن تحصلي وتستعبدني وفعلا ممكن ابقى عبد ليها وفي النهاية تخسرني ملكوت الله الآتي.

متعة رهيبة في مشاهدة الدراما التاريخية وقرائتها

 سواق اتوبيس شاب في مرة قال قدامي ان مفيش حد مبيشربش مخدرات..

طبعا مقولة مبالغ فيها جدا.

بس انا حسيت امبارح احساس المتعة المتواصل اللي بيحس بيه شريب المخدرات لما سمعت فيلم المصير اخراج يوسف شاهين وتمثيل كوكبة كبيرة من النجوم.. واللي بيحكي فيه قصة الفيلسوف ابو الوليد ابن رشد والمؤامرات التي حيكت ضده من تجار الدين.

كل لحظة في الفيلم ده فيها جرعة كبيرة من المتعة المفيدة..

نفس الشيء بلاقيه لما اسمع افلام تاريخية أخرى او يتخللها التاريخ (بشرط تكون باللهجة المصرية مش بالفصحى) زي فيلم الكنز ١ و ٢ (بس مش بنفس حالة الامتاع بتاعة فيلم المصير طبعا) رغم اني مش من المعجبين بمحمد رمضان ... او رواية تاريخية حتى لو مش كانت بتحكي الا عن تاريخ متخيل زي روايات لوتس لمحمد سليمان عبد المالك او طبعا رواية خارطة الحب للكاتبة أهداف سويف او روايات الكاتبة سلوى بكر. ومن المسلسلات مسلسل مشرفة مثلا عن قصة الدكتور مصطفى مشرفة ومسلسل كان ابطاله جمال سليمان وليلى علوي بس مش فاكر اسمه دلوقت.

في حب الآب السماوي- شعر بالعامية المصرية

علاقتي بيك مش عقيدة وطقس
ولا لازم اكون علامة في اللاهوت
ولا هامك معموديتي رش او غطس
بتحبني وابنك فداني من الموت

حاجات كتير ف دماغي متلخبطة
لكن حبك ليا الحقيقة المؤكدة
اسمع ده واقرا لده الاقيهم شخبطة
وانت سهام حبك ع قلبي متسددة

العقل قال حبك ف القلب غير محدود
وحنيني للعشرة معاك مالهوش حد
ابعد اروح اهيم اتوه اشعر ببرود
حبك حاجزني ويرجعني ماهو اعظم سد

أفضلية يسوع المسيح عن باقي الجنس البشري

 مرحبا بكم جميعا، وسنة سعيدة عليكم جميعا إن شاء الله..

اليوم أحببت أن أورد لكم أحد التعليقات على فيديو من قناتي على اليوتيوب وردي عليه وأشياء أخرى تدل على صحة عنوان هذه التدوينة، والسؤال من متابع يدعى طالب الحق المسلم وكان كالتالي:

أخي الكريم هل قرأت هذه الآية

قال تعالى: ﴿يَا أَهْلَ الْكِتَابِ لَا تَغْلُوا فِي دِينِكُمْ وَلَا تَقُولُوا عَلَى اللَّهِ إِلَّا الْحَقَّ إِنَّمَا الْمَسِيحُ عِيسَى ابْنُ مَرْيَمَ رَسُولُ اللَّهِ وَكَلِمَتُهُ أَلْقَاهَا إِلَى مَرْيَمَ وَرُوحٌ مِنْهُ فَآمِنُوا بِاللَّهِ وَرُسُلِهِ وَلَا تَقُولُوا ثَلَاثَةٌ انْتَهُوا خَيْرًا لَكُمْ إِنَّمَا اللَّهُ إِلَهٌ وَاحِدٌ سُبْحَانَهُ أَنْ يَكُونَ لَهُ وَلَدٌ لَهُ مَا فِي السَّمَاوَاتِ وَمَا فِي الْأَرْضِ وَكَفَى بِاللَّهِ وَكِيلًا * لَنْ يَسْتَنْكِفَ الْمَسِيحُ أَنْ يَكُونَ عَبْدًا لِلَّهِ وَلَا الْمَلَائِكَةُ الْمُقَرَّبُونَ وَمَنْ يَسْتَنْكِفْ عَنْ عِبَادَتِهِ وَيَسْتَكْبِرْ فَسَيَحْشُرُهُمْ إِلَيْهِ جَمِيعًا ﴾ (النساء: 171- 172)

وكان ردي عليه كالتالي:

مرحبا اخي العزيز، لدي نسخة ورقية من القرآن الكريم واقرأه بين الحين والاخر ونعم قرأت هذه الآية لأني قرأت القرآن كله ومازلت..

كل ما أحب أن اخبرك به أن يسوع المسيح ليس مجرد انسان او نبي عادي.. وفكرة انه ابن الله ليست بغريبة، حيث في العهد القديم سُمي اكثر من انسان بأنه ابن الله، فما بالك بالسيد المسيح الذي هو أفضل على الاطلاق من أي إنسان آخر.. أفضلية يسوع المسيح ليست شيئا نخترعه، بل انظر في ايتك التي اتيت بها كيف انه دعي روح من الله وكلمته! لا اظن ان القرآن قد قال نفس الشيء عن اي انسان او اي نبي آخر. كان يسوع نفسه واثقا من افضليته عن باقي البشر دون جنوح إلى التكبر عليهم عندما قال "من منكم يبكتني على خطيئة؟" وأخيرا أقول لك أنك ترى يسوع المسيح نبيا، حسنا تفعل، لكنه أكثر من مجرد نبي، انه ابن الله، الذي كلمنا الله به ومن خلاله في هذه الايام الاخيرة بعدما كان يتكلم إلى من سبقونا بالآباء والأنبياء، مما جعل المسيح يلقب بصورة الله غير المنظور..

تحياتي لك، نورت القناة، مع محبتي.

أحب أن أكمل فقط بالنصوص الإنجيلية التي تدعم هذه الحقيقة وسأكتفي فقط ببعض النصوص التي تبدأ بكلمة أنا هو، والتي يشهد فيها السيد المسيح عن نفسه، لغرض سهولة البحث فقط!!

1. ثم كلمهم يسوع ايضا قائلا انا هو نور العالم من يتبعني فلا يمشي في الظلمة بل يكون له نور الحياة (يو 12:8)
2. انا هو الشاهد لنفسي و يشهد لي الاب الذي ارسلني (يو 18:8)
3. انا هو الباب ان دخل بي احد فيخلص و يدخل و يخرج و يجد مرعى (يو 9:10)
4. انا هو الراعي الصالح و الراعي الصالح يبذل نفسه عن الخراف (يو 11:10)
5. فقال لهم يسوع انا هو خبز الحياة من يقبل الي فلا يجوع و من يؤمن بي فلا يعطش ابدا (يو 35:6)
6. قال لها يسوع انا هو القيامة و الحياة من امن بي و لو مات فسيحيا (يو 25:11)
7. قال له يسوع انا هو الطريق و الحق و الحياة ليس احد ياتي الى الاب الا بي (يو 6:14)

وهذا قليل من كثير يوضح أن السيد المسيح متميز وخاص عن باقي البشر، فلا يمكن لأحد أن يقول كل هذه العبارات إن كان إنسانا عاديا بالفعل..