يا جماعة هقولكوا حاجة
أنا مسيحى زيكم بالتأكيد
لكن كلامكم كلام دجاجة
أو واحد مجنون لا يعرف الرجل من الايد
وده مش غلطكو ده غلط النظام
اللى بعدكو وبعد ناس كتير
عن السياسة والاحزاب مقهورين
فطلعتوا كأقباط مصريين
وانتوا مش فاهمين رئيسنا أصلا مين ؟
علشان كده لزم التوضيح والتبيين
مين هينفعنا ؟ هينفعنا مين ؟
مش أمريكا ولا الاوروبيين
صدقونى ده كلام زين
لو جت أمريكا هتعمل زى ما عملت فى العراق
وهيبقى دم المصريين كلهم مهراق
فى العراق الدنيا باظت
بين سنة وشيعة ومسيحين
ومن مخلفات أمريكا ظهرت
دولة عراق اسلامية
وما هى الا دولة ارهابية
وبتحلل دم المسيحيين
سواء أقباط أو عراقيين
وعاوزة تعمل ابادة عنصرية
فى الدول الشرق أوسطية
أخواتى وأبائى الكرام
حقكو بدراعكو هتاخدوه
أوعوا من ريس ولا داخلية تستنوه
وأوعوا من القضاء تنتظروه
ومدوا أيديكو لاخواتكو المسلمين
صوتنا هيعلى ويوصل للعالمين
ومحدش هيغطيه لو حتى مين
ساعتها حقنا هيجينا لغاية البيوت
وهتتشال من على الملفات القديمة
الأتربة وهلوس العنكبوت
وهنقدر نرجع حقنا اللى راح
عايز أقولكو حاجة تانية
المشكلة مش بين أقباط ومسلمين
المشكلة مع الدولة والحكومة والسلاطين
ومش مع الاقباط وبس
لأ ده كل المصريين
الفقراء ومحدودى الدخل
النوبة و محاربى الجهل
من الدولة مبيسلموش
ولو مش مصدقين شوفوا أمل دنقل
شعره لغاية دلوقتى
فى مناهج التعليم مانعينه يدخل
ليه ؟ لأنه قال كلمة حق
وكان الحق ضد الدولة
ومازالت الدولة منه خايفة
مع انه مات من سنين
القصد بقى يا مصريين
الحكاية عاوزة تكاتف وتعاون
من جميع المظلومين
وكلنا هذا الرجل
يمكن كلامى ده يضرنى
لكنى قلته ولا همنى
فالساكت عن الحق شيطان أخرس
والساكت عن الظلم شريكا فيه
أعتقد كده الرسالة وصلت
ليك وليها وليه
يا سعادة البيه
دورى خلص بالتمام
وبرضه خلص الكلام
سلام
مع تحياتى : المحارب ضد الارهاب
محب روفائيل
اولا عزائي للمصريين
ردحذفمسيحيين ومسلمين
انت اوضحت يا استاذي
القضيه بين من ومن
عمر ماكان بين المسيحيين
والمسلمين عداء
طول عمرنا عايشين مع بعض
وعمر ماكان هناك عنصريه
وهذا واضح في المدرسه والجامعه
والشارع
تحياتي واحترامي لك استاذي
اقدم عزائى لكل المصريين ونحن جميعا اخوة مهما حدث
ردحذفومهما حاول السفهاء تعكير ما بيننا
فسنظل تحت مظلة السلام والحب
تحياتى لك يا اخى
الاستاذة كارولين فاروق
ردحذفنعم لم يكن هناك عداء فى السابق بين المسلمين والمسيحيين
ولكن الذى أذكى نار الفتنة هو الاعلام المضلل
وكى لا أظلم اعلاما بعينه قد يحتسب أنى أتحدث عنه
فالاعلام المضلل هذا كان الاعلام الحكومى فى كل الاحيان
ومعه فى بعض الاحيان الأخرى اعلاما دينيا من كلا الطرفين
وهذا ما جعل الفتنة تثار أكثر من مرة فى السنوات الأخيرة .
ملحوظة : رغم الكثرة النسبية للمتعلمين المصريين عما كانت عليه فى الماضى ، الا أن تعليمهم لم يشفع قط فى اخماد نار الفتنة الطائفية ، ما عدا بعض المثقفين المعتدلين بالطبع .
وهذا يدل على عدم نفع التعليم المصرى .
أو أن صوت المتطرفين أعلى من صوت التعليم
وأحلى هذين الحالتين مر كما تعرفين .
سررت بمرورك سيدتى الفاضلة .
الاستاذة هبة فاروق : -
ردحذفدورنا كلنا كمصريين
سواء كنا مسلمين أو مسيحيين
أن نطرد السفهاء من وسطنا
كى يرجع الأمن لبلد الأمن والأمان
أسعدنى مرورك جدا يا سيدتى
تسلم ايدك ويسلم عقلك ... انا معاك فى الحملة ... قلبا وقالبا ... ياريت كل الناس تفهم زى مانت فاهم ... تسلم ايدك وعقلك تانى وتالت وعاشر ومليون
ردحذفليه كلامك يضرك
ردحذفالحق ميضرش غير اللى بيحاول يشوهه
احنا فعلا متبهدلين فى بلدنا
ومحدش فينا مرتاح لاى حاجة
والعشرة مننا بقرش
وخريجى الجامعات زيهم زى اى حاجة ملهاش لازمة
كله مضغوط ومشحون
بس رغم كل حاجة بنحب بعض اوى
انا رغم كل حاجة سعيدة بحالة الحب اللى بتميز المجتمع المصرى
اللى مهما يقطعوا وينهشوا فيه بيفضل ثابت ومتماسك
ممكن اعصابه تفلت شوية من شدة الضغط بس بيرجع لعقله بسرعة ويعرف الخطر فين ومن مين
مين عدوه ومين صديقه
ومين بيحبه ومين بيكرهه
وكل ازمة بتحصله بيزداد تماسك مش تفكك
الحمد لله اننا مصريين رغم كل مساوئ النظام
والا كان زماننا اتفككنا من زمان زى غيرنا
الشخصية المصرية ليها خلطة سرية كل ما تضعف ترجع تقوى تانى
ربنا عالم بحالنا
الحمد لله
ايوة كده
ردحذفخلي الواحد تترد روحه فيه تاني
انا حزينة من طرد المسيحين للمسلمين من التظاهرات
حزينة على الغباء والفرقة والحقد اللي ها يزيد جوا القلوب
شكرا يا محب ومعاك في الحملة قلبا وقالبا
وشيل كلمة التأكيد رجاءا قبل ما ارقع بالصوت إثباتا لأني مصرية ومش ضيفة :)
أزال المؤلف هذا التعليق.
ردحذفالسلام عليكم ورحمة الله
ردحذفارى اليوم روح من التفاؤل وروح من الذكاء
والحكمة تعم المكان
اشكرك اخى العزيز على كلماتك وهكذا الانسان المصرى الصادق
انا فعلا سعيدة كتير بكلماتك اليوم واشعر بأرتياح واننا لو فعلنا جميعا مثل ماقلت انت والله سيعود الهدوء لبلادنا ونحن كفيلين بحل مشاكلها معا
ولكم انتم كمسيحيين ان تعلموا ان معاناتنا واحدة من الحكام وفرج الله قريب ان شاء الله
لك منى ارق تحية وتقدير اخى الفاضل
ملحوظة على الهامش/
رجاء الغاء حروف التأكيد فى التعليقات لانها مزعجة كتير
دكتور اسلام
ردحذفشكرا جزيلا على حماسك الكبير
كان لازم الاقباط كلهم يقولوا زى ما بقول
وهيقولوا ان شاء الله
بس أنا كل اللى بعمله انى بحاول أولع حتة شرارة
على أمل أن الدنيا بعد كده تتظبط
شكرا لمساندتك للحملة
حاجات جوايا
ردحذفالمصريين طول عمرهم مع بعض على الحلوة والمرة
بس السنين الأخيرة وظهور الفضائيات فى كلا الجانبين
وظهور المتطرفين فى كلا الجانبين
وحالة اليأس من الحياة اللى بيعيشها الشباب المصرى
وده بسبب عدم معرفة حياته رايحة فين ، أو لو عرف بتبقى حاجة مكروهة
كل ده خلى الشباب عندهم طاقة مكبوتة عاوزين يطلعوها
وبيطلعوها فى الاوقات دى
علشان كده لو استمرت الانفجارات والهجومات دى
الشعب المصرى هيتفكك
نظرتك للشعب المصرى دلوقتى زى نظرة جدى وجد حضرتك
وهى نظرة جديرة بالاحترام طبعا ، ولكنها عاوزة updating
سامحينى على صراحتى ، لكنها الحقيقة
ولازم نخلى الحقيقة دى كذبة ، بعد ما نمحى الاسباب اللى قلتها قبل كده من الوجود
أسعدنى مرورك وتعليقك جدا يا سيدتى
دكتورة ستيتة
ردحذفومين سمعك ؟
أنا كل ما بدخل النت بلاقى حاجات زبالة وبصراحة من الطرفين
بلاقى كذب هنا وهنا وتطرف هنا وهنا
بس ده ميمنعش أنى بلاقى حاجات حلوة كتير قوى
أنا حاولت أتكلم باعتدال خوفا على مصير المصريين أجمعهم
شكرا لمساندتك للحملة
بخصوص كلمة التأكيد : أنا مكنتش فاهم فى الاول بتقصدى أيه ، لانى مبتجليش كلمات تأكيد ، ولكن بعد تفكير فظيع زى بتاع شيرلوك هولمز كده :) عرفت قصد حضرتك أيه بالتأكيد الكلمة اللى بتتكون من كام حرف ورقم انجليزى علشان تكتبى التعليق ، وقعدت أدور فى المدونة كلها على الحل ومعرفتهوش .
أرجوكى عرفينى ازاى أعملها
دمتى فى جزيل الخير
السيدة أم هريرة
ردحذفوعليكم السلام ورحمة الله وبركاته
العفو يا سيدتى ، أنا عملت اللى فى ضميرى بجد
أعرف أن هناك مسلمون يعانون مما حدث ، وعلى هؤلاء سيبنى الوطن من جديد .
بخصوص كلمة التأكيد : ( اقتباس من الرسالة اللى فوق ) : -
بخصوص كلمة التأكيد : أنا مكنتش فاهم فى الاول بتقصدى أيه ، لانى مبتجليش كلمات تأكيد ، ولكن بعد تفكير فظيع زى بتاع شيرلوك هولمز كده :) عرفت قصد حضرتك أيه بالتأكيد الكلمة اللى بتتكون من كام حرف ورقم انجليزى علشان تكتبى التعليق ، وقعدت أدور فى المدونة كلها على الحل ومعرفتهوش .
أرجوكى عرفينى ازاى أعملها
دمتى فى جزيل الخير
شوف يا سيدي
ردحذفروح لرسالة جديدة فوق
ومنها لإعدادات فوق برضه في البانر
ها تلاقي كلمات
اساسي جنبها النشر سيبهم وروح لتعليقات
ها لاقي في نصف الصفحة
اظهار التحقق من الكلمات للتعليقات
اكتب لا
انقر حفظ
بس خلاص
خالص تحياتي وقد اعطيتك لقب القلة الندسة في بوستي الأخير :)
صدقينى أنا حاسوباتى فاشل
ردحذفوقال فى كلية حاسبات قال
أمال لو كنت طالع من دبلوم زخرفية كنت عملت أيه
مع احترامى الشديد لطلاب الزخرفية طبعا ،لان أخويا طالع منها قسم نجارة ( على فكرة ده غير بتاع تربية رياضة خالص طبعا :)
( القلة الندسة ) على فكرة يا أما أنا مش عارف أقرا اللقب ده ، يا أما مش عارف أفهمه .
تحياتى وقد أعطيت حضرتك لقب معلمة التعبانين فى دماغهم :)
ايوة كدة
ردحذفانا نفسي من ساعة الحادث حد يتكلم كدة بدل حرقان الدم من الاخبار والمظاهرات والتكسير
معاك يامحب في الحملة
وباضم صوتي لصوتك
وبأكد ان دي وجهة نظرى المتواضعة
النظام هو رأس الافعي الشريرة وهي دي اللي منكدة علينا عيشتنا كلنا
تحياتي لك
مُحب أنا معاك قلباً و قالباً و ربنا يحفظ مصر و المصريين
ردحذفأخيراً لقيت مدونتك حاولت أدخل قبل كده معرفتش
تحياتي ليك
الاستاذ هيثم السايس : -
ردحذفأعذر اللى معجبوش حضرتك لان الشعب كله مازال فى أمية بغيضة
العلم مش التعليم اللى احنا بيضحك علينا بيه فى المدارس
العلم هو المعرفة سواء كانت المعرفة دى أخبار أو علوم معرفية
واحنا ولا ده عندنا ولا ده عندنا
بقول كده علشان الاخبار المضللة
بص هنا يا استاذى وحضرتك هتعرف قصدى
http://elkatebrofail.blogspot.com/2011/01/blog-post_04.html
شكرا لمساندتك
الدكتورة الفاضلة شيرين سامى : -
ردحذفشكرا على مساندتك للحملة
كلامك وتعليقك ومتابعتك للمدونة من دواعى سرورى وافتخارى
دمتى فى خير
ربنا يخليك ياروفائيل ياابنى لمصر مصر محتاجه من هم مثلك مصريين بجد
ردحذفطموحات : -
ردحذفحضرتك بجد نورتى المدونة
وشكرا على الدعوة ربنا يخليكى
تحيا مصر